नाणे मावळातील वाड्या-वस्तयांवर राहणारा धनगर समाज अजूनही मूलभूत सुविधांपासून वंचित आहे..!

मावळ जनसंवाद :-  

         नाणे मावळातील वाड्या-वस्तयांवर राहणारा धनगर समाज मूलभूत सुविधांपासून अजूनही वंचित आहे. आपण आता भारतीय स्वातंत्र्याची त्र्याहत्तर वर्ष पुर्ण होणार याचा स्वातंत्र्यादिन साजरा करणार पण त्र्याहत्तर वर्ष पूर्ण होत असताना देखील आज नाणे मावळातील पठारी भाग व तेथे राहणारा धनगर समाज मूलभूत सुख-सुविधापासून वंचित आहे.एकीकडे डिजिटल इंडिया व स्मार्ट सिटी या साठी शासन कोट्यवधी रुपये खर्च करत आहे. पण भारत हा खेड्यांचा देश असून त्यामध्ये दुर्गम भागातील खेडी गावे वाड्या-वस्त्या हे मूलभूत सुविधा पासून दुर्लक्षित होत आहे

       पठारावर हा धनगर समाज गाई, म्हशी, शेळी पालन व काही प्रमाणात शेती व मोलमजुरी करून उपजिविका करत आहे येथे वीज नसल्याने येथील मुलांना दिव्याखाली अभ्यास करावा लागतो तर रस्ता नसल्याने दवाखान्यात जाण्यासाठी मार्ग नसल्याने घरगुती औषधोपचार करावे लागतात रूग्णांना दवाखान्यात नेणे कठीण असते- डोंगर चढून व उतरून प्रवास करावा लागतो या त्र्याहत्तर वर्षां पासून येथील समाजाला मूलभूत सुविधांच्या अभावामुळे विविध समस्यांना सामोरे जावे लागत आहे

         नाणे या भागात साई,करंजगाव, कोंडीवडे या गावांच्या पठारावर पवनचक्की असुन वीज बाहेर पाठविली जाते पण येथील स्थानिक लोकांना वीजेच्या सुविधा पासून वंचित राहवे लागते हि वस्तू स्थिती असून हे येथील स्थानिक लोकांचे दुर्दैव आहे. 

     तसेच येथे ही वीज निर्माण करणारी कंपनी आपल्या शेजारी असुन देखील फायदा होत नाही. ज्या पठारावर ह्या कंपनीचा कच्चा रस्ता आहे पण ह्या कंपपीने जर नव्याने रस्ता तयार केला तर त्याचा फायदा येथील लोकांना होऊ शकतो पण कंपनी व येथील राजकीय अनास्था यांच्यामुळे रस्ता होऊ शकला नाही.       

   नाणे मावळातील पठारी भाग आहे. ह्यामध्ये उकसान पठार करंजगाव पठार, शिरदे पठार नाणे पठार वडेश्वर पठार कुसूर पठार करंजगाव पठार संपुर्ण भाग येथील जवळपासच्या ग्रामपंचायत मध्ये विभागला आहे. जर ग्रामपंचायतीने एखादा ठराव घेतला कंपनी कडुन कर घेवु शकतो. पण कर कोण ठरवणार असा प्रश्न उपस्थीत होत आहे.